على السمعة رثيتك وأغرقت الأبيات ف بكاها = مثل ما قبل لك سقت المدايح وأنــت راعيها

بن شطيّط حروفن لامعاتن فوق مرقـــــاها = نفــــــوس الناس في فقدك أمانة من يواسيها

علامه الحظ لو يرقى ويزيّن عالي ســماها = يقفي مثل ما حلم الليــــــــــــالي في تواليها

عقب ما تبسمت بالسعد هالـــديرة حنـــاياها = كساك الحـزن يا دارٍ خلت من كف معطيها

ألا يالله يكفي هالنفوس الحــــــــزن لي ياها = دموع الناس تســـقي دنيته عقبه وترويــــها

بكى الأبيض وميدانه وبكت ســــاير بقاياها = بكت هجن الرياسة والقبايل في بواديــــــها

يا أهل الهجن وين الهجن صار اليوم مرساها = حسافة يا حســـــافة يا حسافة راح راعيها

حروف اسمه بميدان السباق الصــيت ناداها = وغدينا في صباح الأحد بالأشـــعار نرثيها

ولو لعيون ما يشفع لها في فقــــــــــده بكاها = رحيله زعزع الديرة ومعارفـــه وأهاليها

ولكن نفسه تخلد بفعل الخير ذكــــــــــــراها = بن شـــطيط سعيد الخير نفسه ما نوفيها

عيونٍ ما بكـــت طيبتك وش هو فايدة مــاها = وبيوتٍ ما رثت شخصك خسارة في معـانيها

غنيٍ عن غثا الدنيا برحـــمة رب تلقـــــــــاها = وغنيٍ عن مراثينا بطيـــــــبة ذاع طـــاريها

غفور الذنب نتوســـله يغفر لك خطــــــاياها = كفيل النفـس رب الكون عن كل خير يجــزيها

و يرحم خالقي نفسٍ معاك مديم تلقـــاها = نعم عزان لي نفسك على العـــــزة مخاويها

لأن الكل يشهد لك ونفسك طاب مـــــــاواها = نـهاك إيمانك بربك عن الكبرا ومســــاويها

ونهتك محاسبة نفسك عسى الرحمن يجزاها = جنان الخلد بومحمد نسال الله يلبيــــــــــــها